La Guardia Civil personóse esti vienres nes oficines del Banco Santander pa requerir información sobre "determinaes cuentes corrientes" nel marcu d'una causa contra'l bancu HSBC pola información contenida na llamada 'Llista Falciani'.
Según fontes xurídiques, la Guardia Civil personóse na sede del bancu en Boadilla del Monte (Madrid), a pidimientu del titular del xulgáu central instrucción númberu 5 de l'Audiencia Nacional, José de La Mata. La causa ta declarada secreta.
El requerimientu refierse a "determinaes cuentes corrientes" pola investigación abierta pola llamada 'llista Falciani', la llista que desveló l'informáticu Hervé Falciani colos nomes de 13.000 titulares de cuentes sin declarar nel HSBC suizu y poro presuntos evasores.
El requerimientu ye subsidiariu al rexistru, esto ye, los axentes soliciten al bancu la información y namás si nun se-yos facilita proceden a rexistralu.
