El Ministeriu del Interior confirmó esti miércoles la llegada a Madrid de 19 solicitantes d'asilu procedentes dende Grecia, polo que son 84 les persones qu'España treslladó dende ellí nel marcu del procesu de reubicación promovíu pola Comisión Europea. En total, recibió a 124 refuxaos de los más de 16.000 que se comprometió a acoyer antes de setiembre del 2017.
Según informa nun comunicáu, ocho d'estes 19 persones recién llegaes son homes, cinco son muyeres y seis son menores d'edá. 14 d'ellos son de nacionalidá siria y cinco de nacionalidá iraquina y la so acoyida va tener llugar en Salamanca y Navarra.
El de güei ye'l tercer grupu de refuxaos que llega a España dende Grecia nos últimos díes. El 24 de mayu llegó un primer vuelu dende Atenes con 20 refuxaos a bordu y el día 30 llegaron 45 persones dende ellí. El compromisu inicial con esti país ye acoyer a 150 solicitantes d'asilu de los que llegaron en total 84.
Coles mesmes, el 25 de mayu llegó un vuelu con 22 refuxaos dende Italia, que se sumaron a los 18 acoyíos yá a últimos del añu pasáu. El compromisu con esti país ye acoyer de primeres a 50 persones de les que llegaron 40.
Interior informó que de les 19 persones qu'aterrizaron esti miércoles en Madrid, ocho son homes, cinco muyeres y seis son menores d'edá. Catorce d'ellos son de nacionalidá siria y cinco de nacionalidá iraquina y la so acoyida va tener llugar en Salamanca y Navarra.
Foto: JOSE MARIA CUADRADO JIMENEZ
