"Como parte de los continuos esfuerzos del Departamentu d'Estáu p'apurrir información sobre fechos relevantes a los estaounidenses nos sos viaxes al estranxeru, alertamos del riesgu de potenciales ataques terroristes n'Europa contra grandes eventos, sitios turísticos, restaurantes, comercios y tresportes", dixo.

Washington alvirtió que "el gran númberu de turistes que visiten Europa nos meses de branu va ser unu de los principales oxetivos de los terroristes qu'entamen atentaos en llugares públicos, especialmente nos grandes eventos".

En concreto, mentó la Eurocopa, que va celebrase en Francia ente'l 10 de xunu y el 10 xunetu, como "unu de los potenciales oxetivos pa los terroristes, asina como otros eventos deportivos a gran escala", ente los que señaló'l Tour, que va tener llugar ente'l 2 y el 24 de xunetu.

Tamién aludió a otres concentraciones públiques, como'l Día Mundial de la Mocedá, que va axuntar a unos 2,5 millones de visitantes en Cracovia (Polonia) ente'l 26 y el 31 de xunetu. "Los ciudadanos estaounidenses tienen que saber que les infraestructures llocales puen colapsar pol gran númberu de visitantes", indicó.

El Departamentu d'Estáu encamentó a los estaounidenses que tean informaos sobre l'actualidá europea, sigan les instrucciones de les autoridaes locales y tean preparaos pa mayores controles de seguridá.

"Les autoridaes europees siguen dando pasos pa garantizar la seguridá público y esbaratar planes terroristes. Nós siguimos en contactu colos nuesos aliaos y vamos siguir compartiendo información con ellos pa identificar les amenaces terroristes", añadió.