El Ministeriu d'Asuntos Esteriores y de Cooperación confirmó a Europa Press que se rescató con vida a los dos españoles desapecíos n'agües malasies y que nesti momentu alcuéntrense de regresu al estáu de Sabah, na costa norte de la isla de Bornéu, onde los espera la cónsul española.
La diplomática española, desplazada dende va díes a la población de Kudat, onde tuvo en contactu permanente coles autoridaes malasies supervisando'l dispositivu de busca y cola familia de Marta Miguel y David Hernández, pudo falar con ellos, confirmó una vocera del departamentu que dirixe José Manuel García-Margallo.
A los dos españoles llocalizáronlos xunto colos sos dos compañeros de viaxe, l'empresariu chinu Tommy Lam, y otra ciudadana malasia, pescadores vietnamites, según confirmó'l director xeneral de l'axencia marítima malaya, Datuk Ahmad Puzi Kahar, al periódicu 'The Star'.
Los madrilanos David Hernández, de 29 años, y Marta Miguel, de 30, desapaecieron el pasáu 2 de mayu cuando salieron a facer una escursión en barcu col dueñu del resort nel que trabayaben, el chinu Tommy Lam, y otra emplegada del hotel de nacionalidá malasia.
Imagen: google.
