El Conseyu de Gobiernu de la Universidá Complutense de Madrid (UCM) acordó con un solu votu en contra retirar la condición de doctor honoris causa al exbanqueru Mario Conde a la vista de les graves acusaciones que pesen sobre él y que "son contraries a la dignidá que tien qu'exixise a quien ostenta esta distinción".
Nun comunicáu, la universidá esplica qu'esta decisión tomóse a propuesta del rector de la Complutense, Carlos Andradas, n'aplicación de lo dispuesto nel artículu 30.4 del Reglamentu de Ceremonies y Honores aprobáu por acuerdu del Conseyu de Gobiernu'l 13 de xunetu de 2005.
Nesti puntu, espónse como elementu pa la retirada del Honoris Causa'l "realizar actos o otres omisiones que-y faigan desmerecedor de la distinción otorgada".
Mario Conde recibió'l doctoráu honoris causa pola Universidá Complutense el 9 de xunu de 1993 siendo presidente del Bancu Español de Creitu (Banesto).
La Guardia Civil procedió'l 11 d'abril al arrestu en Madrid al que fuera presidente de Banesto acusáu d'un presuntu delitu de blanquéu de capitales.
