El Plenu del Tribunal Constitucional (TC) declaró inconstitucional la llei catalana que prohíbe l'usu de la tecnoloxía hidráulica 'fracking' na esploración y esplotación de los xacimientos d'hidrocarburos, al entender qu'invade competencies del Estáu.
Estima parcialmente un recursu d'inconstitucionalidá del Gobiernu central contra la llei de midíes fiscales, alministratives, financieres y del sector públicu de Catalunya del 2014, informó esti llunes el TC nun comunicáu.
El TC considera que l'autorización de la fracturación hidráulica con suxeción a requisitos técnicos y a la previa declaración del so impactu medioambiental son requisitos qu'establez l'Estáu, tantu poles sos competencies en planificación económico como de réxime mineru y enerxéticu, lo mesmo que de protección del mediu ambiente.
Según la llexislación estatal, el 'fracking' pue usase siempre que'l proyectu cumpla determinaos requisitos técnicos y medioambientales, mientres que la llei catalana prohíbelu "con calter absolutu nel territoriu de Catalunya siempre que'l so usu afecte cualquier ámbitu competencial de la Generalitat".
