Los fechos tuvieron llugar esti llunes sobre les 7.30 hores na autovía. Según les primeres averiguaciones, el fináu, que conducía un Opel Zafira, golpiaría, en circunstancies tovía por esclarar, contra l'axente (que llevaba un BMW) y nun pararía. Entós, el guardia civil siguiólu.

   Al altor del kilómetru 67 de l'autovía de Valencia, cerca de la población madrilana de Fuentidueña de Tajo, el Zafira impactó contra la mediana, perdió'l control y depués topetó frontalmente contra la parte llateral izquierda del BMW, precisamente na zona del conductor.

   L'axente, contusionáu pol impactu, salió del coche y dirixóse al conductor y únicu ocupante del otru vehículu. Sacó'l so arma y amenazólu. El ciudadanu marroquín salió corriendo del coche, pero recibió un impactu de bala na cabeza y cayó al suelu.

   Darréu, y según les mesmes fontes, el guardia civil rematólu yá nel suelu disparando cuatro bales más na cabeza. Ello ye que'l cuerpu del fináu apaeció a unos metros del so coche, pero en plena carretera.

   El Grupu d'Homicidios de la Policía Xudicial fízose cargu de la investigación. Confiscaron l'arma reglamentaria del axente ya intervinieron tamién los vehículos, indicaron dende la Comandancia.

DE BAXA POR LUMBALXA

   El deteníu, Ángel Luis V., de 31 años, ye guardia civil y tien 31 años. Nesti momentu alcuéntrase de baxa por lumbalxa, lo que nun-y torgar portar la so arma reglamentaria, cola que supuestamente acabó cola vida del fináu, marroquín de 39 años.

   L'arrestáu vivía en Quintanar de la Orden (Toledo), llugar onde taba destináu, concretamente en llabores de Seguridá Ciudadana, anque acudía frecuentemente a Arganda del Rey, onde residen los sos padres. Llevaba cinco año nesi destín anque ye guardia civil dende va una década.

   El deteníu dio positivu en cannabis tres un analís practicáu ellí mesmu. Anque tenía contusiones leves nos costazos propios d'un accidente, y del que-y dieron d'alta nel llugar, nun taba especialmente nerviosu tres lo asocedío, indicaron a Europa Press fontes d'Emerxencies 112.

   La víctima residía n'Illescas (Toledo). Treslladaron el so cuerpu al Institutu Anatómicu Forense, que van determinar cuantos impactos de bala tenía de primeres. Les dilixencies xudiciales declaráronse secretes.