Nuna entrevista en Telecinco recoyida por Europa Press, Rivera dixo tar d'acuerdu col planteamientu que fai'l xurista Francesc de Carreras nun artículu d'opinión publicáu esta selmana en 'El País'.

   Nesi artículu, De Carreras diz que si les cuestiones personales ente los líderes políticos son "insalvables" hasta'l puntu de que torguen formar gobiernu y haya que convocar elecciones otra vuelta, podría recurrise como "última baza" a "una personalidá independiente" que tea "penriba de toa sospecha partidista" y seya aceptada pal que-y dean soporte.

   D'acordies con Rivera, "llegaos a esti puntu", tres el fracasu de la investidura del secretariu xeneral del PSOE, Pedro Sánchez, ante la dificultá de celebrar una xunta a trés ente'l PP, el PSOE y C's y a pocos díes de que'l rei faiga la última ronda de consulta colos partíos, la opción que presenta De Carreras "nun ye nenguna barbaridá".

   El presidente de Ciudadanos indicó qu'existe un bloquéu relacionáu con "la situación personal" de los líderes de los partíos, ante'l qu'hai que buscar soluciones. Por tanto, "si los líderes políticos somos el problema, deamos un pasu tras" y "seyamos a formar un gobiernu de consensu", manifestó.