Pa protagonista y secundarios en proyeutos de ficción
Gonzali Producciones, empresa dedicada a la realización de cine, televisión, doblaxe y comerciales, convoca un casting p'actores y actrices, con edá a partir de 18 años, pa protagonista y secundarios en proyeutos televisivos y cinematográficos (trabayu remunerao) y pa bancu de datos de la productora.
Les persones interesaes tienen qu'unviar datos de contautu y currículu a la direición de corréu electrónicu tv@gonzaliproducciones.net.
Encamentamos la inclusión d'amueses de vídeu y/o audiu si ye'l casu.
Na comunicación el/la interesáu/a tien de señalar el día o los díes cuando podría realizar el casting, indicando la preferencia por horariu de mañana o tarde.
Les convocatories van comunicase namás al traviés del corréu electrónicu.
El casting va facese na see de Gonzali Producciones, asitiada en Xixón, na cai Llibertá númberu 12, entesuelu C; los díes 19 y 20 d'abril, de 10 a 13:30 y de 16 a 20 hores.
