El cantante Pau Donés anunció en redes sociales que ta llibre de cáncer. 'Limpioooooooo!!! yujuuuu!!! ??jarabecontracancer' escribió Donés na cuenta de Jarabe de Palo en Facebook, xunto con una semeya na que pue véselu xunto al mar. En Twitter, el músicu dexaba tamién el so mensaxe: "Limpioooooooo!!! Ahora sí, a celebrar. Hoy, pa beber, agua CON GAS!!!?? jarabecontracancer"
El vocalista anunció'l pasáu branu, tamién al traviés de les redes sociales, la cancelación de la so xira musical al diagnosticáse-y un cáncer de colon del que s'operó nel Vall d'Hebrón de Barcelona.
Mientres el so convalencia, Donés foi informando a los sos seguridores de la so evolución, el so estáu físicu y d'ánimu y de les revisiones a les que se foi sometiendo. "El vienres pasáu analís marcadores tumorales. Agora mesmu TAC(scaner). Resultaos en breve y si toi llimpiu, p'alantre! Vamopayà! Molona la máquina de semeyes, non??? ??jarabecontracancer", escribió'l cantante unos díes antes de tener los últimos resultaos. El mensaxe diba acompañáu d'una imaxe del cantante nel momentu de facese un TAC.
L'últimu mensaxe del vocalista de Jarabe de Palo sobre la so enfermedá xeneró cientos de comentarios nes redes sociales felicitando al cantante.
