"Lo menos malo que pue tener España" agora ye "un Gobiernu del PSOE y Ciudadanos con una axenda reformista, que tienda pontes con Podemos pa temes sociales o asuntos de rexeneración y col PP pa temes económicos o asuntos d'Estáu y que puea abocanar esta situación", dixo nuna entrevista na cadena SER, recoyida por Europa Press.

   Rivera volvió refugar un tripartitu compuestu pol PSOE, Podemos y C's, hasta anque'l partíu de Pablo Iglesias ficiera cesiones nel ámbitu llaboral, el gastu públicu o la reforma fiscal.

   Teniendo en cuenta que'l modelu territorial, políticu y económicu de Podemos ye "bien distintu" al de C's "ya inclusive al del PSOE", dicir qu'esa opción ye posible "sería engañar a los ciudadanos", manifestó.

   El líder de la formación naranxa apostó por que Podemos, yá seya "pola so crisis interna o poles encuestes", o'l PP, viendo que'l so candidatu, Mariano Rajoy, "nun tien oportunidá" de repitir como presidente del Gobiernu, "permitan gobernar" a socialistes y 'ciudadanos'.

   Y que depués esi gobiernu pueda llexislar con Podemos y el PP, llegando a acuerdos puntuales sobre "lleis, conteníos y reformes" nun escenariu nel que "el Parlamentu va mandar más que l'Executivu".