La detención prodúxose sobre les 10,35 hores d'esti miércoles, a les puertes del Sindicatu Andaluz de Trabayadores (SAT), en Jaén capital, onde se vien desarrollando dende esti martes una acampada indefinida pola llibertá d'Andrés Bódalo y que ta siendo secundada por decenes de persones.

   Al berru de 'Andrés, llibertá' y cantando l'himnu d'Andalucía pol más de mediu centenar de persones ellí presentes, a Bódalo conduxéronlu sin esposes axentes de paisanu y d'uniforme hasta un vehículu policial que lu llevó a la Comisaría como pasu previu a la so entrada en prisión.

   Sin emprestar resistencia, tal como repitiera que fairía, Bódalo entró en coche policial mientres nel Portiellu de San Jerónimo quedaron decidiendo cuál va ser el próximu llugar onde van colocase l'acampada que reclama la llibertá d'esti sindicalista y conceyal de Jaén en Común nel Conceyu de Jaén.

   Minutos antes de la detención, Bódalo repitió a los medios la so inocencia. "Que sepa tol mundu qu'entro na cárcel, pero fáigolo como inocente porque yo nun agredí a naide", dixo Bódalo.

   Coles mesmes, agradeció a toles persones que mostraron la so solidaridá y que lu apoyaron mientres tou esti tiempu, sobremanera a la so familia, pa la que tuvo palabres d'aliendu. "Dexo a la mio muyer, a los mios trés fíos, a la mio nieta y a la mio madre con 80 años", dixo Bódalo con semblante seriu yá esperando a que los axentes ficieren actu de presencia pa detenelu.

   Una pareya d'axentes vistíos de paisanu fueron los encargaos de comunica-y la detención pasaes les 9,15 hores d'esti martes cuando taba almorzando. Bódalo, según informaron a Europa Press dende'l SAT, pidió a los axentes que-y dieren una hora pa despidise de la so familia y de los sos hermanos que taben al llegar primero que se ficiera efectiva la detención y el so treslladáu a la Comisaría pal posterior ingresu en prisión.

   La familia de Bódalo averóse hasta la sede del sindicatu pa poder despidise, tres una nueche na que delles decenes de persones acamparon al bentestate, xunto a Bódalo.