Asina pronuncióse'l líder de los socialistes, nuna entrevista na Cadena Ser, recoyida por Europa Press, la viéspora de la so xunta col secretariu xeneral del partíu moráu, Pablo Iglesias. Según dixo, el mensaxe que va llevar a esa cita ye qu'España "precisa con urxencia un gobiernu de ca,boi" que puen liderar les trés fuerces polítiques" que, al so xuiciu, "exemplifiquen" esi cambiu.

   Ello ye que volvió defender qu'ésta ye la única composición "posible" que permite alloñar al PP de La Moncloa, "un gobiernu tresversal", nel que tean PSOE, Podemos y Ciudadanos.

   Eso sí, nun esclaró si incluyiría a Iglesias y al líder del partíu naranxa, Albert Rivera, nesi hipotéticu gobiernu. Sánchez aseguró que nun faló d'esta cuestión con ellos y insistió en que ta dispuestu a incluyir a "representantes" d'estos partíos.

   Sánchez defendió qu'en tiempos "estraordinarios" faen falta "midíes estraordinaries" y, amás, almitió que con 90 diputaos ye "difícil" liderar "un gobiernu monocolor".

   Coles mesmes, abogó por esta formulación porque'l gobiernu a la valenciana que plantega Iglesias a nivel nacional nun ye posible, yá que nun hai una mayoría absoluta d'izquierdes. Sí punxo l'acentu nesti exemplu p'apuntar a Iglesias que na Comunidá Valenciana Podemos apoya dende fuera un gobiernu de dos partíos, PSOE y Compromís, p'asina poner fin a "20 años del PP".