"Nun tien que tener mieu d'una amenaza d'Estaos Uníos (...) nin tien que tenermieu de les voces distintes del pueblu cubanu", dixo'l líder norteamericanu nun discursu tresmitíu en directu pela televisión cubana, según recueye la prensa llocal.

   Obama foi un pasu más allá y apostó hasta por una reforma política. "Los votantes tendríen que tener la capacidá d'escoyer a los sos gobiernos n'elecciones llibres y democrátiques", caltuvo ante un auditoriu apináu.

   "Non tol mundu ta d'acuerdu conmigo nesto, pero creo que los Derechos Humanos son universales. Creo que son los derechos del pueblu estaounidense, del pueblu cubanu y de tolos pueblos del mundu", caltuvo.

   Sicasí, calcó en que'l futuru de Cuba ta en manes de los sos ciudadanos. "Depende de vós", sorrayó. "Yo vini tender la mano de l'amistá (...) a quemar los rispios" de la Guerra Fría n'América, incidió.

   Asina, dientro del marxe de maniobra d'Estaos Uníos, insistió una vez más na necesidá de que'l Congresu se coordine cola Casa Blanca pa derogar el bloquéu comercial, económicu y financieru impuestu a Cuba na década de 1960.

Foto: Carlos Barria/Reuters.