L'estudiu d'esta firma, vinculada al periódicu 'The Economist', concede "una probabilidá moderada" a la posible victoria electoral de Trump, que figura como favoritu nes primaries del Partíu Republicanu. "Nun esperamos que Trump gane a la probable aspirante demócrata, Hillary Clinton", recueye l'informe.

   Sicasí, Economist Intelligence Unit ve "riesgos" a la so propia previsión, especialmente en casu d'atentáu en territoriu estaounidense o d'un "repentín" baxón económicu.

   L'estudiu temes "les polítiques contraries" de Trump contra'l llibre comerciu y les sos postures "d'estrema derecha" en política esterior, qu'hasta podríen ser "una potencial ferramienta de reclutamientu pa grupos yihadistes" como Estáu Islámicu.

   El nivel de riesgu en casu de victoria de Trump ye de 12 sobre 25, el mesmu qu'existe ante la posibilidá de que'l terrorismu islamista desestabilice la economía mundial. Figura penriba d'otres hipótesis como la salida de Reinu Uníu de la Unión Europea, l'espoxigue armamentísticu nel mar de China Meridional o la cayida de la inversión nel sector petroleru.

   La llista apaez encabezada pola posibilidá de que "China esperimente un duru aterrizaxe" nel terrenu económicu, con una nota de 20 sobre 25, ya inclúi tamién cuestiones como una "nueva guerra fría" pola intervención de Rusia n'Ucrania y Siria, una crisis de deuda nos mercaos emerxentes, una quiebra de la UE y una salida de Grecia de la eurozona.

Foto: STEVE NESIUS / REUTERS