El Conceyu de Bimenes convocó'l so XIX Concursu de Cuentos pola Oficialidá del Asturianu. Los interesaos en participar puen enviar los sos orixinales hasta'l 7 de mayu.
Les bases ficiéronse públiques na web del Conceyu. Establecen que'han ser cuentos d'un máximu de diez folios d'estensión, mecanografiaos a doble espaciu, de temática llibre, inéditos y escritos en llingua asturiana.
Establécense trés premios, galardonaos con cuantíes de 600 euros pal primeru, 450 pal segundu y 300 pal terceru. El xuráu tará formáu por trés miembros y presidíu pol alcalde de Bimenes. La entrega tendrá llugar nuna fecha tovía por determinar.
