IDOMENI (GRECIA), .- Unos 2.000 inmigrantes y refuxaos qu'abandonaron esti llunes el campamentu d'Idomeni (Grecia) llograron resalvar la valla fronteriza y entrar a territoriu macedoniu, según confirmó un testigu de l'axencia de noticies Reuters.
El zarru de la frontera de Macedonia dexara a 12.000 persones varaes pel norte de Grecia, mientres qu'en tol país la cifra sería yá de más de 40.000. Les condiciones de la zona empeoraron poles lluvies de los últimos díes y les ONG alvierten d'una situación insostenible.
En caminando mientres delles hores, nes qu'hasta tuvieron que cruzar un ríu, unes 2.000 persones llograron entrar a Macedonia. Un grupu de militares subió a dalgunos d'estos inmigrantes a bordu de camiones, anque nun ta claru'l destín de los vehículos, según un testigu.
Una vocera de la Policía alvirtió que tán "tomando midíes pa devolver a esti grupu a Grecia", lo qu'afectaría a "dellos cientos" de persones. Coles mesmes, anunció un endurecimientu de les midíes de seguridá en puntos críticos" de la frontera.
Foto:STOYAN NENOV / REUTERS
