El repartu de 'Juego de tronos' mostró la so cara más solidaria. A la espera del estrenu de la so sesta temporada, los actores de la serie animaron a los sos fans a contribuyir na midida de les sos posibilidaes coles víctimes de la guerra en Siria.
International Rescue Committee axuntó a les principales estrelles de la serie de HBO nesta campaña viral. Lena Headey (Cersei Lannister na serie) lleva la voz cantante, pero tamién la acompañen Sophie Turner (Sansa Stark), Maisie Williams (Arya Stark), Nikolaj Coster-Waldau (Jaime Lannister) y John Bradley (Samwell Tarly).
Los protagonistes del spot aprovecharon la so fama p'animar a los siguidores de 'Juego de Tronos' a solidarizase colos refuxaos sirios y donar una pequeña cantidá. Calcaron en que, por estrañu que puea paecer, ésta nun ye una guerra que pasa en Poniente sinón que la so brutalidá solmena a los nuesos vecinos sirios.
