Donald Trump, el favoritu pa llevase la candidatura del partíu republicanu d'Estaos Uníos a les elecciones presidenciales de payares, lleva meses faciendo una campaña que ta siendo bastante palémica, sobremanera no qu'a inmigración se refier y sobremanera, a la inmigración procedente de Méxicu.
Trump declaró, ente otres coses, que quier faer una muria na frontera de Méxicu pa evitar la inmigración illegal. En xunu del 2015 afirmó que "cuando México envía a la so xente, nun envíen a los meyores. Envíen a xente que tienen munchos problemes". Según l'estaounidense, los inmigrantes "traen drogues, crime, son violadores y, supongo que dalgunos, son bones persones".
La respuesta a estos comentarios nun se fizo esperar per parte de la comunidá mexicana, que se siente menospreciada y faltada. Hubo munches muestrs de descontentu hacia Donald Trump, sobremanera al traviés de les redes sociales. Una d'elles ye'l movimientu ImProudToBeMexican, del que participaron munchos mexicanos, dalgunos d'ellos tan ilustres como Jorge Castañeda, escritor y profesor na Universidá de Nueva York.
Jorge Castañeda publicó un vídeu en Facebook y Twitter nel que declara la so oposición a Donald Trump y el so arguyu de ser mexicanu. Un videu que ta arrasando en redes sociales como Twitter y Facebook.
