La xueza llamó a declarar a Espinosa'l próximu día 30 de marzu a les 10.30 hores nel xulgáu de Lugo, según confirmó a Europa Press el sindicatu Manos Limpias.

   D'esta manera, Espinosa, que foi nel 2011 cabeza de llista del PP a les elecciones rexonales, va tener que pasar per un trámite asemeyáu al que tuvo qu'enfrentase l'actual presidenta del PP d'Asturies, Mercedes Fernández, que tamién compareció en calidá de testigu'l pasáu 25 de febreru sobre diversa documentación capturada relativa a una presunta relación de dirixentes del PP asturianu cola empresa Aquagest o con otres empreses del Grupu Agbar. Nesa ocasión foi'l sindicatu Manos Limpias el que pidió la declaración de Fernández. La declaración d'Espinosa solicitóla l'Observatoriu Ciudadanu Anticorrupción d'Asturies (OCAN).

   Estes declaraciones prodúcense nel marcu d'una investigación xudicial qu'afecta a dellos dirixentes y exdirixentes del PP asturianu, como l'exalcalde d'Uviéu y actual voceru del PP na ciudá, Agustín Iglesias Caunedo, investigáu por delitos de sobornu y prevaricación pola so participación nuna serie de viaxes que presuntamente costió una empresa investigada na operación 'Pokemon'. L'antiguu secretariu xeneral del PP d'Asturies, Joaquín Fernández, el que fuera presidente del PP d'Avilés, Joaquín Aréstegui, l'antigua conceyala avilesina Carmen Vega, y el que fuera conceyal en Xixón Manuel Pecharromán tamién tán investigaos.