Según confirmaron a Europa Press fontes del ente públicu Díez dimitió por "razones personales" y nun hai relevu de momentu. El Conseyu d'Alministración de RTVE nomó a José Ramón Díez director de Televisión Española'l 30 de xunu del 2014, a propuesta del daquella presidente de la Corporación, Leopoldo González-Echenique. Díaz sustituyó asina nel cargu a Ignacio Corrales.

   José Ramón Díez asumió entós la Dirección de TVE col retu de "revitalizar la cadena y facela más competitiva, calteniendo sicasí les sos señes d'identidá y la so encomienda de serviciu públicu".

   Ye Llicenciáu en Ciencies Económiques y Empresariales. Ingresó por oposición en RTVE en 1984. Entamó profesionalmente nel Centru Territorial de Cantabria y en 1987 treslladóse a Madrid, onde empieza la so carrera como realizador na estaya de Deportes.

   Gran parte de la so trayectoria profesional dedicóla a la cobertoria de xuegos olímpicos, destacando la realización o producción d'ocho ceremonies d'inauguración y clausura: Barcelona 92, Sidney 2000, Atenes 2004, Turín 2006, Pequín 2008, Vancouver 2010, Londres 2012 y les celebraes esti mesmu añu 2014 en Sochi.

   José Ramón Díez plantegó tamién numberosos operativos técnicos y de realización. Al so cargu tuvieron, ente otros, eventos de gran complexidá como la xefatura de realización del Mundial de Fútbol USA 94, la cobertoria de Congresos del Comité Olímpicu Internacional, los Xuegos Panamericanos o los Campeonatos de Mundu de Ciclismu y Atletismu.

   En TVE, Díez desempeñó dellos puestos de responsabilidá como director axuntu de programes, en 1997; director d'esplotación, en 1998; y director de TVE en 1999, cargu nel que permaneció hasta mayu de 2000.