El presidente del Gobiernu en funciones, Mariano Rajoy, aseguró esti llunes que'l Partíu Popular va ser contundente ante los casos de corrupción que se tán conociendo, pero sorrayó que nun puen actuar "movíos pola histeria" nesti asuntu, según informaron a Europa Press fontes 'populares'.
Asina se pronunció Rajoy mientres la so intervención a puerta zarrada nel Comité Executivu Nacional del PP, nel que criticó que los sos adversarios tean utilizando los casos de corrupción qu'afecten al Partíu Popular pa "desllexitimalos" metanes les negociaciones pa formar gobiernu.
Rajoy, que nun fizo nenguna mención a la detención del exvicealcalde de Valencia Alfonso Grau, mano derecha de Rita Barberá, pidió nel so discursu nun actuar desplazaos "pola histeria" y, a mou d'exemplu, señaló qu'a un cargu popular punxéron-y 13 querelles y depués nenguna prosperó.
Por eso, afaló a la serenidá ya indicó que'l PP va actuar con exemplaridá y ser contundente ante cualquier qu'actuara de forma ilícita. Eso sí, insistió en que los socialistes nun puen dar llecciones en materia de corrupción, según les mesmes fontes consultaes.
