"LLévese per delantre al que se lleve", insistió cuando se-y preguntó si eso incluyía a la exalcaldesa de Valencia Rita Barberá y a la presidenta del PP de Madrid, Esperanza Aguirre, anque sí calcó en que'l que tien de cayer ye'l que ficiera daqué "irregular o illegal".

   Y añadió qu'él nun ye xuez pero que "tol mundu tien una opinión sobre'l comportamientu de dellos políticos, lo mesmo del PP como d'otros partíos", en declaraciones a RNE, recoyíes poo Europa Press.

   Sobre'l casu concretu del PP de Madrid, rexistráu'l xueves pol xuez qu'investiga la trama Púnica, calcó en que "correspuende al PP de Madrid esclarar por qué la Guardia Civil tien qu'entrar ellí". "Y por qué los militantes y cargos que faen política de barriu tranquilamente tenemos que pasar per esa vergüenza", recalcó.

   Eso sí, dixo nun saber exactamente qué asocedió en Madrid y si la cúpula del PP pidió esplicaciones a Aguirre. En tou casu, calcó en en que los casos de corrupción nun son namás un problema del PP, sinón qu'afecten a tolos partíos y poro "a la credibilidá de la política".

"TOLERÁRONSE COSES INTOLERABLES"

   Ello ye qu'él mesmu dixo tar ente los ciudadanos que tán "cansaos de ver qu'hubo una xeneración de políticos, o unos años en política, en que se toleraron coses absolutamente intolerables ya inasumibles", y muncho más nun momentu en que, dempués d'una crisis, hai una "esixencia absoluta" de rexeneración democrática.

   Según el so analís, la corrupción afecta a toos y, en función del casu que salta cada día vese afectáu un partíu o otru y "por supuesto que pasa factura", tal como se vio nes últimes elecciones.

   "Los qu'apostamos por pasar páxina d'una vez por toes, llévese a quien se lleve esto per delantre, porque ye necesario depurar, llimpiar y facer les coses d'otra manera, creemos que'l costu merez la pena", añedió.

   Como vien faciendo dende que se destapeció la operación Taula en Valencia, Maroto avisó a quien se dicen "compañeros" que mientres dalgunos "contaben billetes" otros "xugábense'l tipu" nel País Vascu. "Nin ellos represéntenme a mi nin yo represéntolos a ellos", prosiguió, antes d'añadir qu'hai "una mayoría" que quier dar "un pasu al frente p'acabar con eso" porque creen nel PP y na política que fai pa España y pa tar al serviciu de la xente.

   Sicasí, tamién alvirtió al PSOE que nun pue falar de corrupción como si nun-y afectara, porque los socialistes "ocupen el primer puestu en volume de casos".

   Por eso, pidió nun siguir "col y tu más" pa nun cansar más a los ciudadanos", y "consensuar ente toos qu'esto ye intolerable". "Y dicir hasta equí lleguemos, caiga quien caiga, seya esi daquién el que seya y creo que con eso toi diciendo bastante", remachó.