El tribunal acordó'l cambiu del calendariu de declaraciones d'acusaos previstu pa los próximos díes nel marcu del casu Nóos, y adelantó al vienres 19 l'interrogatoriu de la Infanta Cristina, xornada na que tamién se fixó la d'Ana María Tejeiro, muyer de Diego Torres. La comparecencia de la Infanta taba prevista'l 26 de febreru.
De la mesma, la de Torres va tener llugar el martes 23, la d'Iñaki Urdangarin el día 24, y a lo último, la del lletráu Salvador Trinxet el 25.
El restu de declaraciones fixáronse pal día 16 -el exdirector xerente de la Ciudá de les Artes y les Ciencies Jorge Vela y la exdirectora de xestión d'esta entidá Elisa Maldonado-; 17 -el tamién exdirector xeneral de Cacsa José Manuel Aguilar y el exsecretariu autonómicu d'Eventos de la Comunidá Valenciana Luis Lobón-, y 18 -l'exvicealcalde de Valencia Alfonso Grau y la exdelegada de Madrid 16 Mercedes Coghen-.
En concreto, el calendariu modificóse a pidimientu del abogáu de Trinxet, al alegar que les feches antes fixaes coincidíen con un xuiciu con xuráu nel que l'acusáu ta presu.
