L'Asamblea Nacional de Francia aprobó esti miércoles per ampliu marxe'l proyectu de llei de revisión constitucional promovida pol presidente, François Hollande, que condicionara a estes enmiendes la sobrevivencia del propiu Gobiernu.
La votación, precedida de selmanes d'alderique políticu y públicu, acabó con 317 votos a favor, 199 en contra y 51 astenciones, lo que dexa'l testu en manes del Senáu. L'aprobación definitiva diola'l Congresu en Versalles, siempre y cuando exista una mayoría de trés quintos.
El llunes, los diputaos yá adoptaron la incorporación del estáu d'emerxencia na Constitución, anque la votación tuvo marcáu poles ausencies y namás se rexistraron 103 apoyos. Un día más tarde, 162 diputaos aprobaron la retirada de la nacionalidá pa los condenaos por terrorismu, una midida que criticó abiertamente l'antigua ministra de Xusticia Christiane Taubira.
El primer ministru, Manuel Valls, declaróse "satisfechu" tres la sesión d'esti miércoles, que suponía tamién una moción de confianza pal Gobiernu, según Le Monde. El Partíu Socialista y la principal formación opositora, Los Republicanos, evidenciaron les sos diferencies internes con votos en tolos sentíos.
