La fundadora y líder d'Unión, Progresu y Democracia (UPyD) mientres casi tola so trayectoria, Rosa Díez, anunció esti llunes la so baxa de la formación en coherencia col so convencimientu de que'l partíu tendría que disolvese pa, "cuando lleguen nuevos tiempos, reivindicar y allumar "un nuevu proyectu". Tamién anunció que dexa la formación el que fuera'l so 'númberu dos', Carlos Martínez Gorriarán.
Nun comentariu publicáu na so cuenta personal de Facebook, Rosa Díez esplicó que, al so xuiciu, UPyD tendría que celebrar un Congresu de disolución dempués que quedar sin representación nes Cortes Xenerales nes elecciones del pasáu 20 d'avientu. Sicasí, dao que nun va optase por esa opción, pa la que los sos estatutos requieren la firma de dos tercios de los sos afiliaos, anuncia la so baxa del partíu.
"Al mio pensar tenemos qu'asumir y respetar el veredictu de los ciudadanos y actuar de forma consecuente pa caltener el nuesu proyectu y tolo bueno que contién la trayectoria política d'UPyD evitando una más qu'inevitable y dolorosa deriva", argumenta.
Rosa Díez asegura que toma esta "dolorosa decisión por cariñu y por respetu" hacia tola "familia 'magenta'" pa la que, según asegura, guarda una "inmensa gratitú".
