El PP ganaría les elecciones con un apoyu del 28,8% de los votos, un resultáu casi idénticu al de les xenerales d'avientu, mientres que'l PSOE cayería 1,5 puntos y quedaríen con un apoyu del 20,5%, lo que fairía que Podemos y les sos confluencias quedaren per delantre de los socialistes con un apoyu del 21,9% (frente al 20,4% que sumaron el 20D), según se señala nel barómetru de xineru publicáu esti xueves pol Centru d'Investigaciones Sociolóxiques (CIS).
Del so llau, Ciudadanos collecharía un 13,2% de los sufraxos perdiendo apoyu en comparanza coles xenerales nes que se fizo con un 13,3% de los votos emitíos.
Les entrevistes nes que se basen los resultaos qu'ofrez l'estudiu empezaron a realizase 13 díes dempués de les elecciones d'avientu, esto ye, antes de la constitución de les Cortes, de que'l rei entamara la so primer ronda d'audiencies pa buscar un candidatu a la investidura, y de que Podemos llanzara la so ufierta de gobiernu de coalición al PSOE.
