Esta organización alertó de que namás a Grecia llegaron en xineru más de 62.000 persones, una cifra bien penriba de les 1.400 rexistraes nel mesmu periodu del 2015. La ruta italiana, pela so parte, acabó'l mes con sobre 5.000 llegaes.

   Estes cifres yá sumen casi'l doble de les rexistraes mientres tol 2014 y amenacen con tornar nel 2016 n'otru añu negru nel Mediterraneu. L'añu 2015 acabó con casi 850.000 inmigrantes y solicitantes d'asilu llegaos a la mariña europea.

   La OIM tamién dio la voz d'alarma sobre'l númberu de muertes, dao que más de 360 persones morrieron afogaes mientres el mes de xineru, frente a les 82 del mesmu periodu del 2015. La zona del Exéu, con más de 270 finaos, dexó naufraxos prácticamente cada día, l'últimu d'ellos esti mesmu martes.

NEÑOS

   Los neños formen parte tamién d'esti ampliu llistáu de víctimes y, namás mientres xineru, 60 menores de 18 años perdieron a la vida na ruta ente Turquía y Grecia. Mientres los últimos cinco meses, yá son 330 los menores finaos nestes agües, según el balance publicáu esti martes pola OIM.

   La organización alvirtió tamién del altu númberu de menores sin acompañar que siguen entamando'l viaxe hacia Europa, na so mayoría procedentes de Siria, Afganistán o Iraq. No que va del 2016 yá llegaron a Grecia 19.700, lo qu'equival a una tercer parte del total d'inmigrantes y solicitantes d'asilu.