L'Audiencia Provincial de Baleares acordó per mediu d'un autu que la Infanta Cristina siga nel banquín de los acusaos y la xulguen como cooperadora necesaria de dos delitos fiscales nel marcu del casu Nóos.
El Tribunal refugó d'esta manera aplicar la doctrina Botín sobre la hermana del rei Felipe VI.
La doctrina Botín tien el so orixe nuna resolucióin del Tribunal Supremu del 2007 na que s'avala la decisión de l'Audiencia Nacional de llendar l'acción de les acusaciones particulares pa pidir l'abertura d'un xuiciu oral contra Emilio Botín y otros directivos del Banco Santander (nel casu de cesiones de creitu) cuando la Fiscalía y los perxudicaos solicitaren el sobreseimientu de la causa.
L'Audiencia argumentó, y darréu confirmólo'l Supremu, que la celebración d'un xuiciu encamentáu namás pola acusación popular (nesi casu, l'Asociación pa la Defensa del Inversor y los clientes) obra en contra de la llegalidá procesal.
