"El que tien la llave nestos momentos tien qu'escoyer yá con quién quier asociase. Ficimos una ufierta pola estabilidá, la moderación, la sensatez y el sen común", declaró Rajoy  en visitando'l Centru Integral de Formación Profesional 'Profesor Raúl Vázquez' en Madrid, un actu nel que tuvo acompañáu de la presidenta de la Comunidá de Madrid, Cristina Cifuentes, la ministra d'Empléu, Fátima Báñez, y el titular d'Educación, Iñigo Méndez de Vigo.

     Dempués, nuna conversación informal colos periodistes abondó nesa idea y insistió en que Pedro Sánchez diga "con claridá" si quier apostar por Podemos, polo que propón el PP o quier dir a elecciones. "Cuánto antes se resuelva meyor", recalcó, p'añadir que nun se pue retrasar esta situación "idefinidamente" porque ye mala pa la economía española.

   A preguntes sobre si él taría dispuestu a retirase llegáu'l casu, el xefe del Executivu en funciones criticó que dalgunos quieran entrar en "maniobres de salón" y pidió respetar la voluntá de los ciudadanos nes urnes, que votaron una llista y una candidatura. Eso sí, dempués indicó qu'él "nun ye una torga" pal PSOE, pero añadió que lo que pasa ye que Sánchez "quier ser presidente" del Gobiernu.