Foi una de les monxes, que consiguió salir del Conventu de les Mercedaries de Santiago la qu'acudió a la Comisaría de la Policía Nacional pa denunciar que lo mesmo ella como otres monxes taben reteníes nesti llugar baxo coacciones, tal como avanza esti martes 'La Voz de Galicia'.

   Según apuntaron a Europa Press fontes próximes a la investigación, los axentes personáronse nel conventu esti fin de selmana y falaron con otres dos relixoses que-yos confirmaron la versión de la primera. Les muyeres llegaren procedentes de la India al conventu compostelanu va más d'una década y diba tiempu que pidieren abandonalu sin consiguilo, alegaron.

   Anque de momentu nun se produxeron detenciones, el Xulgáu d'Instrucción númberu 1 de Santiago investiga los fechos, que podríen ser constitutivos de delitos de detención illegal, contra la integridá moral, amenaces y coacciones, recueye eldiario.es. A les muyeres treslladóseles a una casa d'acoyida y aplícase-yos el protocolu pa víctimes de violencia de xéneru.