Antes de presidir nel Muséu Nacional del Prado l'actu d'entrega de condecoraciones de la Orde Civil d'Alfonso X el Sabio, el xefe del Executivu en funciones señaló que "evidentemente" va presentar la so candidatura al ser la fuerza más votada y contar col apoyu de siete millones d'españoles. Amás, pidió "altor de mires" y insistió en que la so primer opción un acuerdu col PSOE y con Ciudadanos.

   Rajoy yá ta trabayando nel discursu que va realizar y pa ello pidió fiches a los distintos Ministerios, utilizando'l mesmu sistema que vino emplegando estos años pa preparar los alderiques sobre l'estáu de la nación, según informaron a Europa Press fontes del Palaciu de la Moncloa.

   El rei Felipe VI va recibir esti vienres a les 17.00 hores a Mariano Rajoy, que-y treslladará esti mensaxe, tres reunise anteriormente col líder del PSOE, Pedro Sánchez, y el de Podemos, Pablo Iglesias.

   El monarca dará por acabada asina la ronda de contactos colos partíos y tendrá de convocar en Zarzuela otra vuelta al presidente del Congresu, Patxi López, pa comunica-y el nome del candidatu al que va encargar primero'l llabor d'intentar formar Gobiernu. Dende la Casa del Rei nun pudieron avanzar si a López llamaríaselu esi mesmu vienres. En tou casu, el primer alderique d'investidura nun se prevé p'antes de febreru.