Podemos rexistró a lo último nel Congresu un únicu grupu nel que s'integraríen tolos sos diputaos, más los escoyíos baxo les sos marques en Cataluña y en Galicia. Nel casu de la confluencia valenciana, namás formaríen parte d'esi grupu plurinacional los cuatro pertenecientes a Podemos y la independiente Rosana Pastor, puesto que los cuatro de Compromís rexistráronse por separao.
La formación morada presentó l'escritu correspondiente nel Rexistru del Congresu a escasos minutos de qu'acabara'l plazu pa facelo, a les ocho de la tarde d'esti martes. Darréu dempués, fizo lo propio'l voceru de Compromís, Joan Baldoví.
