La Guardia Civil arrestó yá a diez persones nel marcu de la so operación contra los implicaos en presuntos contratos irregulares per parte de la empresa pública Acuamed, informaron a Europa Press fontes de la investigación. A les 13.45 hores llevárense a cabu amás 15 rexistros na Madrid, Murcia y la Comunidá Valenciana.
Ente los deteníos hai dirixentes d'Acuamed y empresarios, según estes mesmes fontes qu'indiquen que la operación sigue abierta. Ente los deteníos hasta agora destaquen el director xeneral de la empresa, Arcadio Mateo y a la directora d'Inxeniería y Construcción, María Gabriela Mañueco.
Fontes fiscales precisaron a Europa Press que'l Ministeriu Públicu rellaciona a dellos emplegaos d'esta empresa cola comisión de delitos de prevaricación, fraude y falsedá en relación con axudicaciones tramitaes por esti organismu.
Ta rexistrándose la sede central d'Acuamed en Madrid, la sede en Valencia y la desaladora de Torrevieja (Alicante), ente otros llugares. La operación Frontino ta coordinándola'l Xulgáu Central d'Instrucción Númbeeru 6 de l'Audiencia Nacional.
