A les persones declaraes aptes nes pruebes citaes, l'Academia dará-yos un documentu onde s'afite la conocencia nel nivel 1 o básicu según calces siguíos por esta Institución. Les persones que nun superen les pruebes del  nivel 1 podrán presentase a nueves convocatories toles vegaes que-yos pruya.

   Pal bon resultáu d'estes pruebes habrá tenese un dominiu básicu en dos estayes. En primer llugar la llingüística, qu'incluyirá Teoría gramatical, práctica escrita y práctica oral. En segundu llugar, la estaya de llingua y sociedá, qu'inclúi conocimientos sobre l'allugamientu de la llingua dientro de la sociedá asturiana asina como del procesu de nor-malización en que ta inxerta.

   La prueba va tener dos partes, una escrita (dictáu, torna, exercicios gramaticales, redaición) y otra fala-da (conversación).

L'Academia informa que resulta imprescindible conocer les xeneralidaes gramaticales de la llingua asturiana y los aspeutos básicos de la so normativa ortográfica (Normes ortográfiques, ALLA, Uviéu, 2012, 7ª ed.; Gramática de la Llingua Asturiana, ALLA, Uviéu, 2008, 3ª ed. reimpresión).