El tribunal considera que la decisión de sobreseer la causa adoptóse sin practicar nenguna dilixencia d'investigación. El xulgáu 32 asumió la investigación dempués de que'l Xulgáu Central d'Instrucción númbeeru 5 de l'Audiencia Nacional considerara que'l casu nun yera de la so competencia n'alvirtiendo que "la manipulación" de los datos conteníos nos dispositivos podía constituyir un delitu de tapecimientu o de daños informáticos.

NIN DAÑU NIN TAPECIMIENTU

   El so titular decidió archivar provisionalmente la investigación va casi añu y mediu al nun apreciar daños, por cuenta de que los ordenadores yeren propiedá del PP anque los usara l'extesoreru. Precisaba que tampoco se podía falar, de momentu, de delitu de tapecimientu porque l'Audiencia Nacional tovía nun condenó a Bárcenas y pa qu'haya tapecimientu tien que tar probáu'l delitu. L'archivu prodúxose sin que la maxistrada practicara preba dalguna nin tomara declaración a posibles imputaos o testigos.

   IU, ALA, Ecoloxistes n'Acción y Federación los Verdes presentó la primer querella sobre esti asuntu nos Xulgaos madrilanos el 17 d'ochobre del 2013 y con fecha 30 d'ochobre del 2013, y sin practicase nenguna dilixencia d'averiguación, sobreseyóse. Dichu sobreseimientu recurriéronlu n'apelación les acusaciones, produciéndose la perda de la causa nel treslláu del espediente ente los xulgaos de Madrid y l'órganu xudicial que tenía que resolver dichu recursu, l'Audiencia Provincial de Madrid.

   La querella dirixíase contra'l mesmu PP como persona xurídica, al considerala esta acusación penalmente responsable de los fechos. Ye la primer querella que se presentaba n'España contra un partíu políticu, dempués de la reforma del Códigu Penal del pasáu mes de xineru del 2014 que lo facía posible.