El expresidente de la Generalitat Artur Mas renunció esti miércoles al acta de diputáu del Parlament por JxSí, dempués de renunciar tamién a presidir otra vuelta l'Executivu catalán en favor de Carles Puigdemont.
Mas presentó la renuncia esti mesmu miércoles na Cámara Catalana, un día dempués de que Puigdemont tomara posesión del cargu, informó'l Govern nun comunicáu.
Na rueda de prensa del sábadu na qu'anunció que retiraba la so candidatura a la Presidencia pa desenllancar l'acuerdu ente JxSí y la CUP, Mas aseguró que tovía nun pensara si abandonaría'l so escañu como diputáu electu.
