El restu de formaciones votó en blanco, nun siendo Podemos, que propunxo pal cargu a la senadora vasca Miren Gorrotxategi, lo mesmo que va proponer a los sos propios candidatos pal restu de cargos de la Mesa. La formación morada, tercera en númberu de senadores, nun va tener a lo último nengún puestu nesti órganu.

   Será la segunda llexislatura en que García-Escudero presida'l Senáu, qu'esti miércoles celebra la so sesión constitutiva con 265 miembros. Falta un senador autonómicu por nomar de les Cortes de Castiella y Lleón, dao que María del Mar Angulo, que tenía unu de los trés puestos de designación, salió escoyida nes pasaes elecciones del 20 d'avientu.