Concretamente, la historia de venganza y sobrevivencia basada nel casu real d'Hugh Glass, un home al que, dempués d'atacalu un osu, diéronlu por muertu los sos compañeru y abandonáronlu nel monte, fízose con trés de los cuatro premios a los que taba nomada: meyor película dramática, meyor director (pa Iñárritu) y meyor actor protagonista nuna película dramática (Leonardo DiCaprio).

      Al recoyer el premiu, González Iñárritu, refirióse a la llarga y trabayosa filmación en temperatures baxo cero. "El dolor ye temporal, pero una película ye pa siempre", dixo'l cineasta mexicanu, que l'añu pasáu ganó l'Oscar como meyor director y película por 'Birdman'.

   Otru de los trunfadores de la nueche foi Matt Damon que con 'Marte' fízose col premiu al meyor protagonista nuna película de comedia o musical. La cinta dirixida por Ridley Scott, otra historia de sobrevivencia -nesti casu la d'un astronauta al que los sos compañeros d'espedición en Marte dan por muertu tres una nube mientres una misión y tien que sobrevivir pelos sos propios medios nel Planeta Coloráu- tamién llevó'l Globu d'Oru a la meyor película de comedia o musical.

   Otros de los ganadores de los premios que como cada añu apurre l'Asociación de la Prensa Estranxera d'Hollywood (HFPA) fueron Jennifer Lawrence, que se fizo col premiu a meyor actriz de comedia o musical por Joy; Brie Larson, meyor actriz dramática por 'La habitación'; Kate Winslet, meyor actriz de repartu por 'Steve Jobs'; y Sylverster Stallone, que remocicó vieyes llorees al facese col premiu al meyor actor de repartu por 'Creed. La leyenda de Rock'. "Quiero agradece-y al mio amigu imaxinariu Rocky Balboa por ser el meyor amigu que pude tener", dixo Stallone al recoyer el premiu.

    'Del revés (Inside Out)' ganó como meyor película animada, mientres que la húngara 'Son of Saul', un drama sobre un campu de prisioneros xudíos mientres la Segunda Guerra Mundial, llevó'l premiu como meyor filme en llingua non inglesa. 

Foto: LUCY NICHOLSON / REUTERS