Cuatro homes armaos llograron entrar nel centru comercial Jawaher, ubicáu nel distritu chiín de Jadida, nel este de Bagdad, tres la esplosión d'un coche bomba a la entrada.

   La televisión estatal, citando a un voceru del Ministeriu d'Interior iraquín, informó que les fuerces de seguridá "arrodiaron el llugar del ataque terrorista".

   Tamién en Bagdad, polo menos siete persones morrieron y 15 resultaron firíes cuando un terrorista suicida empotró'l so coche nuna cai comercial del distritu sunín de Nahrawan, nel sureste de la capital iraquina.

   Per otru llau, 20 persones morrieron y 50 sufrieron lesiones pola esplosión de dos bombes na ciudá de Muqdadiya, ubicada 80 kilómetros al nordés de Bagdad, según informaron fontes médiques y de seguridá.

   L'atentáu tuvo llugar nun casinu. Un terrorista inmolóse nel so interior y cuando empezaben a llegar les primeres persones p'aidar a les víctimes españó un coche bomba que taba aparcáu a la entrada.

   Hores antes, trés persones morrieron y ocho resultaron firíes cuando un coche bomba ubicáu por milicianos del Estáu Islámicu esplotó cerca d'un restorán en Baquba, acordies con fontes médiques y policiales.

Foto: Archivo.