L'expresidente del Govern Jaume Mates punxo a disposición de l'Audiencia Provincial de Baleares el palacín que tien nel cascu antiguu de Palma con cuenta d'iguar, según manifiesta nun escritu al que tuvo accesu Europa Press, el dañu causáu nel marcu del casu Nóos por una presunta esviación de 2,3 millones d'euros públicos.
Xunto al escritu, la defensa del exdirixente autonómicu apurre un informe nel que se calcula'l valor del inmueble en 2.477.550 euros. Sobre la finca pesa amás una carga hipotecaria cifrada en 484.552 euros.
La entrega del palacín permíte-y cubrir la mayor parte de la fianza civil de trés millones d'euros que la Fiscalía Anticorrupción reclama pal acusáu nel marcu del casu Nóos. El so xuiciu entama'l próximu llunes con 18 acusaos nel banquín. Ente ellos ta'l mesmu Matas, pal que'l Ministeriu Públicu reclama once años de cárcel.
Según fontes xudiciales, trátase d'un primer pasu de cara a la reconocencia de los fechos nos que Matas intervendría dientro d'esta causa, al promover la supuesta esviación de 2,3 millones d'euros públicos en dos foros sobre turismu y deporte entamaos en Palma pol Institutu Nóos.
