El prósimu domingu 27 d'avientu, cola xida del so 31 cabudañu, Andecha Astur convoca un Actu d'Homenaxe a Andrés Solar Santurio.
El cementeriu Deva. Xixón, al empar de la Ilesia, onde dende hai años ta puesta la placa d'Andecha Astur na alcordanza d'esti collaciu, sedrá l'escenariu esti prósimu domingu 27 d'avientu a les 13:30 hores d'un actu n'homenaxe a Andrés Solar Santurio, reivindicáu xustamente pel so valir comu escritor en llingua asturiana y del que se tiende a escaecer el so llabor comu hestóricu militante del nacionalismu asturianu, entamaor del Ensame Nacionalista Astur, organización precursora d'Andecha Astur, yi collaciu militante de munchos andechiegos.
D'elli son los conocíos versos que son resume del so camentar, y que tovía va pocu protagonizaren los actos del postrer Conceyu Nacional d'Andecha Astur:
Prúyemos un Pueblu llibre
que ñome cola so voz
los sos collacios y el pan.
Prúyemos un Pueblu llibre
y una Asturies Dixebrá
