La Navidá alcuéntrase al volver la esquina y los establecimientos tán tremaos de xente. Los regalos navidiegos, el vistíu pal día de Nuechevieya y los alimentos pa les cenes y xuntes suponen la mayor partida de gastu nestes feches.
Dientro de l'alimentación, los dulces suponen una partida de gastu importante nesti periodu. Asina lo atestigüen los últimos datos ofrecíos por Infoempresa, onde s'observa que'l sector del turrón xeneró n'España más de 400 millones d'euros, lo que supón una subida del 6,46% nel 2014.
GRUPOS EMPRESARIALES
L'informe muestra los datos de los 29 principales grupos empresariales del sector que concentren más de 40 marques, ente les que figuren AntiuXixona, Lacasa, Delaviuda, El Lobo, ente otres.
De toos ellos, diez marques superaron los once millones d'euros de facturación del añu 2014. En concreto, lidera'l ranking AntiuXixona y La Fama, con unes ventes de 82,7 millones d'euros, siguíu Delaviuda Alimentación (75,1 millones d'euros), Lacasa (62,2 millones d'euros), Cantalau (50,3 millones d'euros) y Virginias y Tardá, con 28,4 millones d'euros.
CINCO GRUPO CONCRENTEN EL 75% DE LA CUOTA DE MERCÁU
Magar la diversificación empresarial del turrón n'España, namás cinco grandes marques concentraron el 75% de la facturación nel añu 2014. D'esti porcentaxe, el 21% correspuende a AntiuXixona y La Fama, siguíu por Delaviuda Alimentación (19%). Perbaxo asítiense Lacasa con un 16% de la cuota de mercáu, Cantalou (13%) y Virginias Tardá (7%). De toes elles, namás Confitería Delaviuda cuenta con Denominación d'Orixe.
CRECIMIENTU
Nel pasáu exerciciu, l'acabante d'empezar recuperación económica y del consumu n'España dexó que la facturación media del sector aumentara un 6,46%.
Les cinco empreses que más crecieron fueron Torrons de Agramunt Angel Lluch, qu'aumentó les sos ventes un 62,25%, siguida por Pastelería Escoda (50,01%), Coloma García Artesanos y 1780 (38,81%), Torronos Vicens (28,51%) e Hijos de Manuel Picó y El Portalico (29,93%).
Foto: Getty.
