Nuna nota de prensa, Gestha recuerda que dende va trés años los premios superiores a 2.500 euros tán gravaos al 20% y qu'esti añu Lloteríes y Apuestes del Estáu (Selae) va repartir 2.240 millones en premios si consigue comercializar tolos boletos.

   Amás, resalta que'l Sortéu de Navidá ostenta'l lideralgu absolutu de les ventes añales de Lloteríes y representa'l 29% del total de la recaudación del organismu públicu.

   Nesti casu, Lloteríes realiza directamente la retención d'estos premios, polo que los agraciaos van recibir l'importe de los mesmos col impuestu yá descontáu y namás van tener que tributar a Facienda polos rindicimientos que-yos xenere, como intereses bancarios o l'Impuestu de Patrimoniu.

   La cuantía del premiu intégrase directamente na declaración de la renta, pero nun s'inclúi na base imponible del IRPF, polo que nun afecta a la progresividá, nin afecta a la hora de pidir beques, prestaciones d'asistencia o cualquier otra ayuda pública que dependa de los ingresos y non del patrimoniu.

   Per otru llau, Gestha esplica que los que compartan un premiu que sobrepase los 2.500 euros tamién van tener que da-y a Facienda'l 20% de la so participación, anque ésta seya inferior a esta cifra, pues l'impuestu exíxese al premiu, independientemente de cómo y cuánto tea participáu.

   Sicasí, si una persona que llogra un premiu importante quier regalar un plizcu a familiares o amigos, les arques públiques van vese doblemente 'premiaes' pues el beneficiariu de la donación tendrá que tributar pol Impuestu de Socesioes y Donaciones.

   Anque l'impuestu ideóse de primeres pa los años 2013 y 2014, ésti ye'l terceru consecutivu en que s'aplica pa tolos sorteos de Lloteríes, ONCE y Cruz Colorada, magar nun algamar en nengún de los exercicios anteriores l'oxetivu de reaucadión, que se cifró en 824 millones d'euros añales.