L'exsenador de Foru Asturies y segundu na llista de PP-Foru al Congresu, Isidro Martínez Oblanca, destacó esti martes el tratu "afectuosu" que-y dedicó esti miércoles el presidente del Gobiernu central, Mariano Rajoy, na so visita a Cangues d'Onís, onde coincidieron.
En declaraciones a la TPA, y recoyíes por Europa Press, Oblanca mostróse bien satisfechu pol alcuentru y dixo que pa ellos yera bien importante que Rajoy, que s'interesó pola marcha de la campaña, conociera'l programa de la coalición.
Amás, dixo que tuvo pa él palabre bien "afectuoses". "Prestóme muncho que s'acordara de mi, fueron munchos años de compañeros", manifestó.
Pero na conversación con Oblanca, Rajoy tamién s'acordó del que fuera'l so compañeru nel gobiernu de José María Aznar, Francisco Álvarez-Cascos, qu'agora ye secretariu xeneral de Foru Asturies. "Tresmitióme un abrazu bien grande pa Paco Álvarez-Cascos, del que dixo que va años que nun fala con él", señaló.
