Un encapucháu qu'aseguró actuar en nome del grupu terrorista Estáu Islámicu apuñaló a primer hora d'esti llunes a un profesor nuna escuela infantil n'Aubervilliers, pela redolada de París, antes de dase a la fuga, según informen los medios llocales.
Los fechos tuvieron llugar escontra les 7.10 hores na escuela Jean Perrin d'Aubervilliers, en Seine-Saint-Denis, según una fonte xudicial citada por 'Le Figaro'. Al profesor, d'unos 40 años y bien queríu polos padres de los sos alumnos treslladáronlu a un hospital en París y, según les primeres informaciones, la so vida nun cuerre peligru.
Al paecer, l'agresor, que diba vistíu con un monu de pintor, guantes y botes militares, entró na escuela hacia les 7.15 hores, cuando'l profesor alcontrábase nel aula preparando la xornada. Acordies con una fonte xudicial citada por Le Monde, garró un cutter o unes tisories d'una y una mesa y fizo "el xestu de degollalu", dempués de lo que-y golpió la cabeza contra la paré.
Mientres l'ataque, l'agresor glayaría: "Ye Daesh, ye una alvertencia", según relató a la Policía un testigu que trabaya na escuela, informa 'Le Figaro'. Tres l'apuñalamientu, l'asaltante consiguió dase a la fuga ya tovía lu llocalizaron, sin que se tengan de momentu datos sobre la so posible identidá.
La Estaya Antiterrorista de la Brigada Criminal de la Policía Xudicial de París abrió una investigación por intentu d'asesinatu en relación con una empresa terrorista, según fontes xudiciales.
Sicasí, dende'l sindicatu mayoritariu Unité SGP Police punxeron en tela de xuiciu que se trate d'un atentáu terrorista, teniendo en cuenta que'l sospechosu llegó coles manes vacíes a una escuela que taba prácticamente vacía a eses hores.
Foto: CHARLES PLATIAU / REUTERS
