La candidata númberu trés na llista de Ciudadanos al Congresu de los Diputaos por Madrid, Marta Rivera de la Cruz, afirmó nel 2014 al traviés de la so cuenta de Twitter que l'Holocaustu y ETA tienen "base política". Díxolo en respuesta a unes declaraciones de Pablo Iglesias, nes que'l líder de Podemos señalaba que'l terrorismu d'ETA tenía base y esplicación política.
Concretamente, n'unu de los tuits, publicáu'l 30 de xunu del 2014, dixo que "los xudíos pasáronlo fatal nos campos de concentración, pero l'holocaustu tien una esplicación política".
N'otru de la mesma fecha añade: "Sí, ETA tien una base política. Tamién la tenía l'holocaustu, y paeceríame una canallada recordá-ylo a un xudíu".
El presidente de Ciudadanos, Albert Rivera, "fichó" a Marta Rivera, escritora y periodista, pal so equipu antes de les primaries que celebró'l partíu en xunetu pa formar les sos llistes de cara a les elecciones xenerales del próximu 20 d'avientu.
Ella presentóse como independiente a les primaries y acabó saliendo escoyida pal puestu númberu trés al Congresu, per detrás d'Albert Rivera y Francisco de la Torre. Amás, nesti momentu ocúpase del área de cultura en C's.
