Acordies con fontes de les fuerces de seguridá citaes pola cadena, Farook, de 28 años y nacíu n'Estaos Uníos nuna familia orixinaria del sur d'Asia, taba en contactu per teléfonu y al traviés de les redes sociales con esti sospechosu al qu'investiga'l FBI.

   Al paecer, según indicaron otres fontes, Farook taría radicalizáu, lo qu'esplicaría la so actuación esti miércoles, magar tamién podríen afectar factores rellacionaos col so trabayu, dao que foi contra los sos compañeros contra los que disparó.

   Los investigadores tán tratando d'averiguar qué llevó a Farook y la so muyer, Tashfeen Malik, de 27 años, a vistise con ropa d'asaltu y entrar na sala na que taben celebrando una fiesta los compañeros de trabayu de Farook, a la qu'él mesmu asistiera poco antes pero qu'abandonara.

   Lo que paecen tener claro, pola forma en qu'actuó la pareya, casada dende va dos años y padres d'una neña de seis meses, ye que nun actuaron de forma espontánea. "Nun creo que garraren les armes y l'equipamientu tácticu nuna venada", afirmó'l xefe de la Policía de San Bernardino, Jarrod Burguan.

   "Estes persones vinieron preparaes pa facer lo que ficieron como si tuvieren de misión", añadió, precisando qu'amás nel llugar del tirotéu alcontráronse artefactos esplosivos de fabricación casero. Ante estos datos, Burguan indicara que nun se descartó que seya terrorismu".

Foto: MARIO ANZUONI / REUTERS