"Sí, yera chechenu y degolláronlu. Ta probao con fechos", confirmó Kadirov esti xueves, nuna comparecencia na que llanzó una alvertencia a los responsables. "El que matara a esti home nun va vivir muncho", sorrayó.

   La organización terrorista publicó un videu nel que muestra la execución d'un supuestu espía rusu y amenaza a Rusia con más atentaos, según informó'l Grupu SITE, dedicáu al siguimientu de los foros yihadistes.

   La grabación muestra a un home vistíu con un monu naranxa --como los presos de la cárcel militar qu'Estaos Uníos tien en Guantánamo (Cuba)-- al qu'Estáu Islámicu acusa d'espiar pal Kremlin n'Iraq como en Siria.

   Trátase del primer ciudadanu rusu que cai en manes del Estáu Islámicu, dao qu'hasta agora'l Gobiernu de Vladimir Putin nun informó de qu'unu de los sos nacionales tuviera reteníu polos terroristes.

   Otru yihadista que fala rusu amenaza nel mesmu vídeu a Rusia con llanzar más atentaos, dempués del derribu del avión na península del Sinaí --atribuyíu a una célula llocal del Estáu Islámicu--, y tres ello corta'l gargüelu y la cabeza del presuntu espía.

Foto: INSTAGRAM RAMZAN KADIROV