Asina espachó dende París les crítiques a la so ausencia d'otros alderiques con más candidatos previstos nos próximos díes pa midir les fuerces de los aspirantes de cara al 20 d'avientu. "Volveré debatir la cuarta vez nun alderique, a dos, que ye como son los debates importantes nunes elecciones", dixo.

   Rajoy ofreció una rueda de prensa por cuenta de la so participación nel Conceyu sobre'l Cambiu Climáticu de París y preguntáron-y por esti asuntu. La so númberu dos nel Gobiernu y na llista al Congresu por Madrid, Soraya Sáenz de Santamaría, va ser la que represente al PP nel alderique n'Atresmedia el día 7 d'avientu con Pedro Sánchez, Albert Rivera (Ciudadanos) y Pablo Iglesias (Podemos).

   ¿Por qué va Santamaría? Según esplicó Mariano Rajoy, porque "siempre n'España" en democracia aldericaron los candidatos de los dos principales fuerces, unu d'ellos, xeneralmente, presidente del Gobiernu. Y repasó los 'cara a cara': Felipe González con José María Aznar, José Luis Rodríguez Zapatero con él, él con Alfredo Pérez Rubalcaba y él, agora, con Pedro Sánchez.

   "Entiendo que tol mundu quier debates, tengo más de 30 planteamientos de distintos medios. Nun pue atendelos a toos, ente otres coses, porque soi presidente del Gobiernu y tengo que siguir atendiendo a les mios responsabilidaes", dixo.

   Añadió que tampoco ta claro cuántos candidatos tienen que participar nos alderiques, porque fuerces minoritaries pero con presencia nel Congresu esixen tar presentes y que nun se dea prioridá a otros que nin siquier tán nes Cortes", añadió como argumentu. "Y nun ta escrito que tolos alderiques tien que acelos el presidente del Gobiernu", sorrayó.

   Rajoy reiteró'l criteriu del so partíu de nun dexar siyes vacíes en neguna convocatoria y qu'asina se fairá con tolos alderiques, porque'l PP ye "un partíu con muncha xente, bien preparada, bien capaz".  "Yo voi facer l'alderique que se fizo siempre n'España", acabó.

   Tamién dexó claro que nun va poder atender tolos pidimientos d'entrevistes en medios de comunicación que tien sobre la mesa. "Ye imposible", dixo, asina que va atender "les que dea tiempu".